第一客貨車電召中心 www.Van100.com Tel: 317 11111

我公司日日都會叫車
點解d司機通常唔多出聲,黑口黑面?
有d仲勁冇禮貌?
有時我叫車有d司機幫下手,又好禮貌,我會俾$20-50貼士
見到d冇禮貌就唔會,點解呢行d人咁對d客?係咪d客得罪佢??

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
好老實講，D街車司機一般都特別現實，佢地預左D游擊客(即係要車時先打上D台隨便叫一架)只係做一次半次，更唔會預你比貼士，幫下手又話加幾多，借車仔又話加幾多，預左無下次，所以唔會同你講心講禮貌。
不過有時都唔怪得，因為做呢行真係好辛酸，入台入線又話幾千，月費又話個個月成千，有時埋站頭排左成個幾兩個鐘，跟手出枝三四十蚊短途，比你都無心機啦！有時遇上D衰客，話知你死，上貨時撞黎撞去，過鐘唔補錢仲要大大聲話人屈佢，最衰就係D阿差，貨就質爆你架車，又超重又盛，過鐘唔補錢都不特止，試過整爛D行家既車窗仲唔賠….好多好多。
學似上面位小姐話齋，你地成班都係女仔，緊有禮貌啦！你試下換係成班師奶或者阿叔！睇下仲有無咁好死！？
我個人亦試過，有日假日人地叫我車，東涌某村屋一張梳化去屯門，個客初初話想我幫一幫手上落車，咁心諗，一上一落姐，求其只係收返台價淨路程同橋費$200啦！點知去到，個客要我幫手係三樓抬張梳化落樓仲要抬一段路至上倒車，連搬、路程、橋費，$200都算，去到係屯門收貨果邊比運費，廿幾歲死臭飛，唔該都無聲，大安旨意人地搬落車，落完車手渣住$200講左句…..乜咁貴架！比著你，唔鬧佢就奇啦！
不過，呢行當然亦真係有D有禮貌既司機，但最緊要，客人將心比己，唔好下下壓榨人，明知合理就唔好講價，大家自然開心。
參考資料:
第一客貨車電召中心 www.Van100.com 熱線 31711111
 

正常黎講，當被影快相而唔係即時派彩的話，交通部會於一個禮拜左右以掛號信將告票同交人紙一齊寄比中標車輛車主所登記既地址。
過往，我有朋友因郵寄問題，收唔倒告票而過左交罰款期限，而導致有額外罰款。為個人利益，我建你打去交通違例定額罰款查詢熱線查下，電話28666552，接通按1..6..3..0，睇下有無記錄。
參考資料:
http://www.van100.com
 

我想問汽車後級有好多種，有單路、兩路、四路&五路！有咩分別的？
我最主要係上聽靚聲，有時會炸下機！有D咩好建議！
有D咩牌子好，但有唔係好貴，因資金有限！
thx thx thx…!
NBN這個牌子得唔得，我見佢都好似幾平！
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
幾多路即係可以出幾多組喇叭，單路用作推單聲道(低音)，二路可推左右聲道，四路可推兩組左右聲道，五路可推兩組左右聲道加一組單聲道。選擇幾多路好睇你個人需要同車箱空間既擺位，舉例你可以用三隻二路去推前左右聲道、後左右聲道、同一對或一隻低音，亦可用一隻四路去推前左右聲道同一對或一隻低音，又可以用一隻四路去推前後左右聲道再加一隻單路去推一隻低音。
我個人黎計就試過玩八隻後級，全部二路，一隻推兩個十吋低音、一隻推一隻十二吋低音、一隻推前四吋中音、一隻推前六吋中音、一隻推前兩對高音、兩隻推兩對後五吋中音同一隻推後一對高音。
玩車機真係有好多好多種配搭同選擇，我渣Van仔就可以咁玩姐，如果渣架車仔就唔可以，所以我話選擇幾多路好睇你個人需要同車箱空間既擺位。
另一樣選擇因素，亦係重要既因素，就係資金，老實講，車機絕對係”車齒品”，真係一分錢一分貨，而且玩車機絕對唔應該得閒加下呢樣，有多餘錢又加下果樣，要搞就一次過。
仲有就係個人口味，有D人鍾意聽爽D、有D人鍾意聽柔D、有D人鍾意聽爆D、有D人鍾意玩美國佬式(只聽頭喇叭及低音)、有D人鍾意玩日本仔式(聽前後喇叭及低音)…..人地鍾意唔等於實岩你聽，所以要親身試聽過，岩feel先買。
我會建議你去D汽車音響店度搵D職員介紹比你，但並非所有汽車音響店都專業，我個人介紹鴨寮街新聲搵阿強(鬍鬚佬)、通菜街近界限街Galaxy搵麥生(沙皮)、粉嶺聯和墟創聯搵萬生(四眼仔)，本人覺得唔錯，而旺角中旅社隔離有間叫a e s搵關生，D意見都ok。
價錢方面，後級可以由一千幾百既大陸貨到兩萬幾一隻達文西都有，所以就係話最主要要睇你預幾多資金，再從呢舊錢去分餅仔，睇自己喜好分配，但點都好，千祈唔好買大陸或者台灣野，因輸出唔足以及有D唔安全，而且質素真係唔係好得。
而你所講NBN這個牌子……老實講….係大陸貨…..不敢恭維，仲衰過SONY，無謂嘥錢。
如果我係你，我會買隻正路少少既四路先，大路選擇PPI同DLS，要炸得就Rockford，有多餘錢就換埋喇叭，一句講晒，一分錢一分貨。
參考資料:
第一客貨車電召中心 www.Van100.com 熱線 31711111

請問汽車水電會唔會壞?
水電唔係有水就有電?
如果想自行加水可以點做?
左右正負極,中間有4個制是用邊個來加水?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
汽車水電當然會有壞既一日啦！一般黎計，一舊汽車水電係正常使用下，可以有九至十八個月壽命，咁當然要睇你果舊電係邊度做、咩野牌子(大陸、台灣、日本)、你點用、點保養….好多因素，有時撞手神買倒舊衰既，分分鐘用得果半年，又或者買倒舊好既，而你又keep得好，用你兩年都唔奇。舉例，大陸電比較平，但質素一般都較差，亦唔建議使用，我試過用D台灣電都唔錯，三百幾蚊，用倒成年，日本質素好但較貴。而使用方面，唔適當使用亦會整死舊電，我有朋友有次試過熄車後唔記得熄大燈，到第二日發覺時，舊電已經乾到連表板燈都唔著，所謂既乾晒，係指舊電無晒電而唔係指舊電無晒水，咁舊電已經死左九成，即使入面仲有水，再加水差返電，都唔會用得倒三兩日，可以報銷。而保養方面，一般只需要定時檢查下舊電夠唔夠水，keep住舊電入面既水係適當既容量，舊電就自然襟好多。
如果想自行加水好簡單，只需將舊電上面果D入水位螺絲帽蓋全部扭開，再用一般純水(蒸餾水)，加到每個入水位入面有塊愛黎睇水位既膠度，岩岩掂倒，扭返好螺絲帽蓋就得，千祈唔好博老命入到滿，入滿既話，行熱左舊電就會谷D硫酸出黎(即係谷左電池入面D電池水出黎)，會好臭好似死老鼠咁，而且舊電亦會打柴。另外，有D人有一種錯覺，以為水電一定要入係汽車用品店入面果類十蚊八蚊，紅色一枝枝果D電池水，其實…..係唔需要買呢D貴野黎用既，因為果D只係普通既水染紅左，染紅左係使佢有色，方便加水時易D睇位，但加到入去時黑麻麻你都用電筒照黎睇啦！所以根本無作為，而且，加左色素既水亦即係有雜質，變相對舊電仲無咁好。要用，用蒸餾水就最好，我個人就用屈X氏，唔好用果D又加乜又加物既，純果隻就得架喇！
參考資料:
第一客貨車電召中心 www.Van100.com 熱線 31711111

我今年25歲, 想出部5.5 噸做生意 ,
定係出部貨van 做好呢? 但好多人都話出部
車好難做 ! 咁又請問各位我可以係邊到可以
接到d 長期order 做呢??
請問各位有乜意見比我呀?唔該 !!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果你無真真正正做過或者接觸過呢行，我勸你無謂諗喇！
而家你真正要諗既唔係出5.5定貨van好，而係要諗自己有無呢D路數。
唔計自己份人工，如果你手頭上連一D基本可以維持部車既皮費既散客都無的話，例如有無D朋友做緊既公司要用運輸，而且仲要係你真係可以差倒隻腳入去做果隻，當你唔食，淨養車供車最少都要六七千，仲未計入油、暫時墊出黎既雜費….
你講果D長期order，一般人地已經有固定運輸做緊，好難插手入去分一杯羹。
若果你堅持要試下既，5.5定貨van既皮費唔差太多，試下入台做，先接下D散order做，再派下咭片，博佢地下次直接call返你，或者熟左有得關照你，介紹第二D客比你。
但…..唔好話我潑你冷水，你唔好期望咁高，皆因呢D台大多都要入台費，又要裝對講機，加埋又話幾千，而且而家D台價真係好咸，而且call親車D客大都係打游擊，間唔時一次，你考慮清楚先。
參考資料:
第一客貨車電召中心 www.Van100.com 熱線 31711111

我想帶我隻玩具貴婦狗由黃大仙到西貢。
請問call 的士定call van 抵d?
call 的士要幾$$$?
call van 又要幾$$$$?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Call的士如果想有折, 當然要搵番相熟司機啦.
不過通常係咪表上顯示的金額計為8折.
Call Van 仔, 其實冇乜特平價格, 因為司機都係入線的, 不過最好搵番相熟, 因為易話為.
不過最低消費通常都係二至三百蚊左右.
不過如果你唔係需要放大件物品的話, 是帶狗搭車的話, 我建議你只需要Call 的士巳經可以.
但的士需要收番寵物費用, 係每隻計算的, 都是幾蚊的. 即等於行李咁收費
參考資料:
第一客貨車電召中心 www.Van100.com 熱線 31711111

問現時香港有哪些電召的士及貨 van 公司？
我聽人講過話有什麼 “鳳凰” 之類的街車，
仲話好似一轉車 $100 以下都有交易，
請問到底現時香港有幾多間類似的 電召
的士 或 貨 van 公司？有冇明確價錢表
列明邊區到邊區幾錢一程？貨物駛唔駛另計錢？
一般要提早幾耐通知預約定係隨叫隨到？
請提供這些公司的詳細價目及電話等聯絡資料
以供比較，謝謝。
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
全港要數所有電召的士及貨 van 我相信有排數，的士有聯友、惠益、友聯、榮利、交通城、四海、偉發、聯合、車馬樂、全通 、全利、金菱、沙田、榮泰、城市、百佳、香港、港聯、益新、合眾、新興、北區、利萊、環保………….貨Van有第一、全港、成記、蘋果、太陽、東方、皇朝、大象、鳳凰、恆生、鴻昇、開利、永盛、永嘉、金寶、中華、皇馬、莎莎、UC、勁達、利燁、便利、Yes、雞記、太陽神、佳運、創藝、668、財神、力通、先達、先鋒、亞洲……….
其實，比咁多間你都未必有用，如果你純粹齋路程，唔需要司機幫手或同佢借手推車，相同地區路程間間收費唔會相差得多，而且某D台唔係區區有車。
佢地收費通常係咁，唔理你上幾多貨，以唔超重為限，一般900KG，點去點收幾錢，免費上落貨時間合共15分鐘，過時每5分鐘5蚊，要司機幫手就另議，借手推車另外加錢，但要注意，有D司機只會用尾門果截載貨，中門果截唔載貨，如果你要截長身既貨要拆綱，或貨比較多要載埋中門果截，最好係call車時同台姐講明，另外，有D台係晚上10點打後call車有晚間附加費，如果你要呢D時間要車，最好先電話問左價錢先。
服務方面，個個台都一定話自己服務好，司機有禮貌，但最終取決於係司機個人品格修養，所以無得好講。
呢D路程價目表你可以問司機拎，有部份台既綱頁入面都有。
不過呢間www.van100.com 重勁,有埋即時對話功能同booking添
個人經驗，一般平日果D時間預早15-30分鐘call車就ok，晚間要車，最好就預早一兩個鐘，假日或者凌晨，就最好預早半日至一日落柯打，咁就最穩陣。
我本身都係貨van運輸，有時D貨上唔晒我都會叫街車，但我唔會刻意次次格價，都係果句，相同地區路程間間收費唔會相差得多，有D台某D路程係會平D，但真係要搵最平果個，左格右格，浪費咁多時間格價，慳埋頂多十元八塊，即使係最平，D台唔夠車，無車比你，幾平都無用，所以我會選擇比較多車既台，以下幾間都唔錯，多車，價錢合理，你可以試試。
第一：31711111
全港：23966666
成記：香港25599999九龍27811111新界26699999
永盛：香港25564556九龍25099999新界26563999
便利：27230000
東方：23900000
的士方面，你可以上以下綱址，入面有好多的士call台電話。
http://www.vectormap.com/iconhp/q/taxi.htm
參考資料:
第一客貨車電召中心 www.Van100.com 熱線 31711111

本人想入口台.邊個好D…請教一教我….全新手
以我經驗，hiace每年折舊1萬，轉左款又爭1-2萬，新款05年二手大約15萬幾，咁…..01年大約9-10萬就差不多，如果你果架01係原裝車，又係經車行的話，貴左少少啦！但如果係私人既，就太貴喇！始終經車行買(有信譽果D)，比私人買貴在有D咩事的話佢都會同你跟返，但私人轉讓轉左名就各安天命，所以一般同車行買會比同私人買貴D，試下還價還多D，唔洗怕唔好意思喎！正所謂開天剎價，落地還錢。另外，留意下總公里有無比人較過，以我咁少開車都每年行成2萬5，車身同機械野最好搵有呢方面經驗既朋友或車房幫下眼。
而入台方面，一般都係入D大台比較好，如全港、成記、永盛咁，大台台費大約1000-1200左右，入線連貼紙、電訊牌、單簿….等雜費約3000-6000。有D台台費有分貼字或掛牌，分別差200-300。
但…………唔好話我潑你冷水，如果你無真真正正做過或者接觸過呢行，我勸你無謂諗喇！考慮清楚先，唔好以為入左台，肯做，就搵倒兩餐，呢行唔同你打份工，唔係你肯做就代表你有野做，我識有D，由朝排台排到晚，先得果三四舊，我眼見好多新做既，做左無耐因唔夠order，損手爛腳離場。
我岩岩答左個同你差不多既問題，佢最後於發問者評價中講左句……..原來ｄ皮費都好大；個成本都幾貴，一日冇5佰生意都未必cover條數，但我話你知，街車呢行每年年頭果兩三個月都好靜，加上平時休息，人同車頭暈身興，好天收埋落雨柴，每日要有8舊至夠。你睇下我D我的回答，入面有好多呢方面既資料，睇左先再考慮清楚。
參考資料:
第一客貨車電召中心 www.Van100.com 熱線 31711111

1. 係唔係買左架貨van就可以上台?
2. 上台後係點樣接生意? (係唔係會有部call機? 定係打電話比你?)
3. 做九龍會唔會要揸到去香港區?
4. 開工時間定唔定? 點出糧?
5. 平時無野做時係唔係週街停低等call? (因為我見留下有時會有貨van司機訓覺!)
6. 唔係太差收入會有幾多? 上台費要幾多? 油錢一個月又要幾多?
希望有心人可以解答到我!!
十萬個唔該!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
1 ) 基本上買左架貨van就可以上台，除非你架van殘到D台都唔收。
2 ) 一般D台都係用對講機，行內叫台機，即係的士果D黎出柯打，有少部份用打電話出。
3 ) 當然有咁既機會揸到去其他區啦！但我估你意思係咪問，如果你係九龍會唔會要特登揸到去香港區接柯打，你睇埋下面就明。
4 ) 開工時間唔定架，基本上個台開工，你就可以開工，有D台仲有24小時營業。而入台係無糧出既，而係每做完一個柯打就即刻同個客收錢。
5 ) 佢地唔算係週街等架，一般佢地會係站頭等出柯打，你留意下，佢地通常唔會得一架半架。
6 ) 收入唔定架，睇你每日做幾耐，有無柯打，好彩既，淨做台料一日可以過山，唔好彩既，淨做台料一日可能得兩三舊，油錢亦無定，你架車大食D細食D又唔同，柯打多D少D又唔同。
簡單講講，買左架貨van，選擇入邊個台，大台車多柯打多台費自然貴，同樣，細台車少柯打少台費自然平，先比入線費，入線費由唔洗入線費至幾千蚊都有，入線費只係比一次，比台費，台費由幾百至千幾一個月，有D台台費又有分貼台Logo同唔貼台Logo掛牌，唔貼台Logo會比貼台Logo貴三幾百，仲有貼紙、電訊牌、單簿呢D雜費，有D台既入線費已經包埋，單簿用完再比錢買，揀call 嘥，即係車number，咁就可以開工。
開工前，先問清楚各區站頭位置，到你開工時，你揸架車到站頭，然後同台姐報call 嘥，例如：313威力咁，威力係某台響火炭既站頭名，因為果度有座威力工業大厦。之後台姐收倒就會覆你排第幾，例如：313四車咁，即係你排第四，咁個台收倒響附近D柯打，台姐就會跟次序出，例如：123，火炭華樂去九龍灣邊度邊度，價錢幾多幾多咁，之後就去接個客，完成，收錢。
最後，我個人勸你，如果你無真真正正做過或者接觸過呢行，我勸你無謂諗喇！如果你手頭上連一D基本可以維持部車既皮費既散客都無的話，齋跑台，除晒皮費，仲少過求其打份工，出面大把貨van佬一個月養車七除八扣，淨底得果三四千，加上而家D台費、油價又貴，柯打又平，加上過埋年果兩個月又靜，你想清楚先啦！
參考資料:
第一客貨車電召中心 www.Van100.com 熱線 31711111

如果無記錯，係無紅van由西環直接去或經觀塘碼頭，
亦無任何紅van直接去或經觀塘碼頭，
但有紅van由西環去觀塘，
基本上你一定要轉一程車。
不過如果您有貨可以叫架貨Van , 一般都係幾十蚊加隧道費, 直接就去到啦
參考資料:
http://www.van100.com
第一客貨車電召中心
熱線 31711111

日本van仔唔一定平，以TOYOTA既hiace為例，同年份既VAN中佢一定係最高價，如果你唔介意牌子同年份，只要平的話，以2.8噸VAN計，你可以選擇萬事得/福特既E2500或現代H100，呢兩款算係市面上最平既二手VAN。
參考資料:
第一客貨車電召中心 www.Van100.com 熱線 31711111

我架車係07年 hiace 3.0
因為小弟呢科係新手
所以想問下　
１’偈油
２’偈油格
３，波箱油
４’油渣格
５’風格
一般要幾耐換一次呢？？
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
首先，呢D車一般要經常注意同更換既有四油，三隔，兩水，偈油、波箱油、尾牙油、迫力油、偈油格，風格、油渣格、水箱水同電池水。
以我咁耐以黎經驗同問車房D師父，偈油同偈油格一般5000至8000公里或4個月換一次，以先為準，要睇你多唔多著車行車，如果你行得密，可以差不多8000換一次，如果你行得唔多，但成日著住部車的話，5000過左或夠4個月好換一次喇！
風格就每換偈油隔一次更換，唔需要換果次，可叫換偈油果度D人用風槍同你吹下個風格，而一般風格都係用紙造，所以，千祈唔好用水沖，除非你用海綿或可清洗果類風格。
波箱油就大約25000-35000換一次，同偈油一樣多唔多行車，睇你點揸，我通常行到20000咁上下以後，每次換偈油果陣，我都叫換油個師父同我睇睇，當D波箱油有D立立地，即係岩岩夠期要換，千祈唔好等到好立果陣先換，但小心有D只為賺錢既鋪，係唔係都叫你換，以我為例，我呢轉33XXX都未洗換住。
迫力油最簡單，迫力油壺有刻度，自己買，得閒先望下，唔夠就加。
油渣格以你入油站油計，10000或半年換一次。
尾牙油方面，未到20000左右倒或一年就要換，同波箱油一樣，你可以叫換油個師父同你睇睇，尾牙油好緊要架，遲左換，尾牙響會VV聲，嚴重重會燒尾牙，到時唔該抬過副尾牙。
水箱水要留意士啤水箱，唔夠，就自己買支水箱水，一般你可以1比1咁溝清水，我就溝蒸餾水，加返佢，平時再留意下有無大食水箱水，無大食水咁就ok喇！
最後電池水，又係得閒留意下，我一般兩個月望一次同加水，每次檢查時，電池頂D扭著個扭開，個口入面兩邊有兩條膠骨，睇睇D水有無岩岩掂倒條膠骨，有就ok，無就又係自己買返黎加返佢，唔洗亦唔好走去買紅色果D電池水，用蒸餾水就得，亦係最好，記得加到岩岩掂倒條膠骨，唔好死入爛入，入太滿舊電池會谷硫酸，一來好臭，二來谷出黎D硫酸會拿電池附近D野，三來舊電池會死，如果得太多，可以用針筒吸返出黎。
參考資料:
第一客貨車電召中心 www.Van100.com 熱線 31711111

我架van仔,空波大油時就會係咁噴白煙
真係大到好似著火咁!!
有冇c兄可以講比我知係咩事呢!?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
好大白煙好大機會係燒偈油，
燒左爭口或盤頭有事，
偈油上左盤頭，直接燒倒偈油。
基本上你可以副偈已經要大修或抬過副，
因為……………我都試過，快D去相熟車房檢查下。
參考資料:
第一客貨車電召中心 www.Van100.com 熱線 31711111

我一路都收唔到罰款通知書，但今日返到屋企竟然收到張法庭命令，要比ｄｏｕｂｌｅ罰款加堂罰。好無奈．．
有冇得申訴架．．
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
你情況我以前試過，因為有時郵政方面出現問題，錯地址或寄失之如此類，我以前報上運輸署個地址唔知為咩有少少出入，有時郵差見地址爭DD，有D會將信打回頭，而我住果度係舊式洋樓，治安幾好，有D郵差見地址爭DD，會將信放響信箱上面等人認返，我之前同樣係收唔到罰款通知書，之後收到張法庭命令，你可以試試我之前既處理方法，先打電話去中央交通違例撿控組28666552，講返個情況，然後再書面通知，提出抗辯，之後就排期上庭，上庭後由於運輸署入面我個地址真係有好少好少出入(可以話其實無影響)，個官就判左我只係交返之前張告票，同樣，你亦有可能因為寄失而收唔到罰款通知書，你照打電話寫信，但個官最後信唔信你就只有到時先知，搏唔搏得過你自己衡量。
參考資料:
第一客貨車電召中心 www.Van100.com 熱線 31711111

近近地深圳的話，八卦二路、桃園路一帶都有好多呢D汽車飾品，不過一般而言，D貨品質素同款式都麻麻。
參考資料:
第一客貨車電召中心 www.Van100.com 熱線 31711111

我見到街有d Van 仔有d 卡通拉花好靚 ，知唔知邊度整?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果現成既我就唔多覺邊度有，但我知有D人會拎D犒去比人汽車貼紙，你可以去元朗安良里，果度有門間專做汽車貼紙，條街好短間野好易搵，但起一個犒要$100，不過話晒人無我有。
參考資料:
第一客貨車電召中心 www.Van100.com 熱線 31711111

我發覺我架車近排入N波時會漏前/漏後 (條路係平路)
我想問會唔會個波箱有問題 ?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
入N波既係入左空波，如果你當時無拉手制或踩制，而你架車會溜前溜後，即使果條路你覺得係平路，最大問題就係，跟本條路唔係平，而係一D好輕微，輕微到跟本察覺唔倒既暗斜，如果正如你所覺得條路係平路，係個波箱有問題，一係就溜前，一係就溜後，又點會一時溜前一時溜後呢！？最簡單方法測試下，你搵條平D既路，最好係D靚D既停車場入面D路，入N拉手制再隨便搵D細件既野，例如一個火機，求其放響其中一隻轆既一前一後，再鬆手制，如果真係你所覺得係個波箱有問題而導致架車會溜前或溜後，我相信架車既動力點都一定會轆得過個火機，始終，人地鋪路果陣好難做到百分之百水平，只要有三幾度咁細而又唔察覺既斜面，架車一樣會溜。
參考資料:
第一客貨車電召中心 www.Van100.com 熱線 31711111

我想自己更換風油呔油，可否指教一下個過程？
用不用先把舊的油抽出來？
另外水撥刮水不夠透徹，應怎樣更換呢？
以上的兩項物品在那裡可以買到？
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
風油呔油一般唔需要更，風油呔油主要用途係用作油壓等扭呔時唔個呔輕D，你只需要買返D波箱油加返落去就ok，另外水撥刮得唔乾淨就好簡單，只要度返水撥長度，買返相同長度水撥，更換就ok，水撥膠條同水撥之間有個扣仔扣住，只要將個扣仔向內一按，再將水撥膠條一拉，咁就甩倒，就咁講好難講，最簡單你買果陣，睇下D唔同牌子水撥既包裝，緊有一款有圖文教你更換，再唔係隨便問下D售貨員或其他司機，一定好易搵倒人教你，以上物品可以響一般汽車用品店或油站買倒。
參考資料:
第一客貨車電召中心 www.Van100.com 熱線 31711111

我想租D大形小小客貨車，邊一間最平最好。
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
你所指大形小小既客貨車係咩定義呢！？基本上客貨車一般亦即係貨Van。
如果你係想載貨量比貨Van多，但又可以好似貨Van咁另外載到5個人，你可以搵D叫孖屋仔既貨車，呢類貨車同普通3.3貨車外型差不多，但佢地個車頭有前後兩排載客或車頭及車斗前有一排共兩排載客，一般較大既街車台都有，但預約時記得同接線生講明要搵孖屋仔貨車，咁接線生就識同你安排，你可以試下呢間
參考資料:
第一客貨車電召中心 www.Van100.com 熱線 31711111

HIACE 208,xxx起
Urvan  19x,xxx起

日產內籠舒服, 貨網後位置比hiace長半呎
Hiace  就比較保值, 外型亦好有型,
不過一定要好小心駕駛,
因為新款 hiace 所有o野都貼晒車頭,
只要普通一撞,
架車可以講即時唔行得,
因為乜o野水箱冷氣,
呔油迫力油全部爆晒,
不過市場供求是Hiace獨大既主要原因
參考資料:
第一客貨車電召中心 www.Van100.com 熱線 31711111

近來想換車, 新款 Nissan Van 得唔得? 
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
好用，好過200係好多，不過，若你係hiace死梗fans，算吧，好多人一面嫌200唔好用，轉頭咪又買佢，
有人話hiace料平，係100係平，200算贵，有朋友撞前，未爆玻璃、氣代，2手料加人工，3萬幾。e25返廠，頭面料
全套6仟有找。
  e25小嘢改，可能Ｄ人覺得e25車主冇錢改車，又可省返d錢入吓油。
庶
e25前排可坐人，200係前排似波子後排(dogsit)。
200係是No:1，失車案。
  如非toyota不買，找部100係尾期(04)年好過，正宗料平，又好用，又多嘢玩，200係退步得太過份。
參考資料:
第一客貨車電召中心 www.Van100.com 熱線 31711111

小弟有3年幾牌就4年，未做過職業司機有意入行，本想入九巴但不知點入(有1,2,4,5,9,10牌)，所以想試下做電招貨van先攞下駕駛經驗，但唔知現在行情怎樣，唔知現在有冇得做呢？所以上來請教各師兄！我上過去網睇d客貨車咩價， 1.其實買架2手貨van要注意d咩呢？ 2.要比咩費用呢？ 3.三保 係咪等於 第三者保險呢？ 4.第三者保險係跟車 定 跟人呢？ 如果我e個年齡要幾錢呢(沒有吸煙)？ 5.牌費又係點呢？ 6.幾大的車齡先唔買得過？ 7.大cc係咪食油d呢？ 8.千禧頭 是什麼？ 9.平均幾多行車里數先合理呢？ 10.邊個牌子好？
Thank you 各兄弟
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
1.注意架車有無大撞過及機器精唔精神(有無七孔流血)。
2.按不同年份計算
3.係。
4.跟車，三保唔關你食唔食煙事，幾多錢就要你去問吓相熟保險公司或車行打打價先得。
5.貨ＶＡＮ牌費一年$4,257.00、四個月$1,517.00。
6.如果豐田ＶＡＮ十年八年都無問題(你睇吓出面仲有好多94、95年車仲行緊)，萬事得、ＦＯＲＤ、日產或現代最盡買Ｄ三,五年內好喇。
7.多數係，因為要睇你揸法及本身ｏ架車精唔精神(車齡都重要)。
8.千禧頭係日本版豪華版頭燈。
9.無得計合唔合理嗰喎，因為好多人係賣車嗰時都做手腳，所以Ｄ里數唔可以盡信。
10.豐田HIACE會比較襟同大路D。
參考資料:
第一客貨車電召中心 www.Van100.com 熱線 31711111

黃大仙去荃灣
路費是$65 ,
不過也要看有多少野要送上樓，
如果是一箱箱( 約生果箱大小計) 每4箱每邊上樓收費$25，
如是大型家具/電器則要另行報價

參考資料:
第一客貨車電召中心 www.Van100.com 熱線 31711111

我平時叫開呢間
第一客貨 31711111
中環去將軍澳收$110 (未包隧道)
客貨車平d ,
因為如果遇塞車的士就算八折都好襟計(尤其係過海)
我上次沒貨都係咁叫
參考資料:
電召客貨車
第一客貨車電召中心 www.Van100.com 熱線 31711111

想問由如果葵涌去元朗貨倉要幾多錢 ?
另外有１８箱貨(約300kg)需要司機搬運

一般路程收費約是$115 , 搬運每邊加$100
不過也要視乎貨倉是否要排隊,
如果要也是另計的
參考資料:
第一客貨車電召中心 www.Van100.com 熱線 31711111
 

機場由2007年7月14日起,
所有貨車及的士禁止使用1號,2號及4號停車場,
必須使用設於1號停車場側的輕型貨車上落貨區.
此停車場收費半小時$40.
參考資料:
機場接送
第一客貨車電召中心 www.Van100.com 熱線 31711111

一般客貨Van 好少會走中港線的
您可以搵商務7人車 如 Granvia / Alphard 等,
要視乎去國內那一個地方了
當如果只是羅湖區約$800-$900 左右啦

參考資料:
商務七人車
第一客貨車電召中心 www.Van100.com 熱線 31711111
 

如果由九龍灣到鰂魚涌,
要call5.5噸車及要用唧車,
一般是什麼價錢?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
5.5噸車路費$200
不過要留意一般隧道/停車場等是另計
如要借用唧車會加多$20
而上落貨時間首30分鐘是免費的(合共),
其後每5分鐘$10
參考資料:
電召客貨車及尾板貨車
第一客貨車電召中心 www.Van100.com 熱線 31711111

請問有無人試過CALL貨VAN機場接送呢?
由大埔到錦田再到機場要多少錢?
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
我都有叫過有間”第一客貨車”
您可以上佢網online check到價錢是$316 ” www.van100.com
佢地d 司機幾好人又有禮貌，
重幫我手搬行李添
d 車都新淨舒服，加多$50 重可以轉Benz Van 添
參考資料:
機場接送
第一客貨車電召中心 www.Van100.com 熱線 31711111

本人想問下如果入台既話,果部台機係自己買定係係到買?同個電訊牌係咪台費include埋?如果唔係既話,要幾$一個月?而家邊個同台比除較好左d?除左上台外,有冇方法可以幫人地車野?可唔可以提供一下電台d資料or其他方法可以幫人車野…
希望各位大哥可以指點一下小弟…唔該曬
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
如果入公司電召台台費include埋約$600-$1200
有個別公司要抽佣
以下只提供參考
台費 $1,000一個月
停車場費 $1,500一個月
電訊牌 $250一年/// $20一個月
油費月 $3000一個月 或 每公里不多於$0.8
保險 第三保 $1500 $3500 30%ncb 一個月
牌費 $4254一年 /// $354.5一個月
驗車 $2,500一年 /// $208.34一個月
車機件損耗及保養 $1,500一個月
全新柴油客貨車
MAZDA ///TOYOTA///NISSAN///MERCEDES-BENZ
一般由hk$170,000-$250,000
分36個月/期
最小供$5,000
(可自行與車行另議還款期)
$1000
$1500
$3000
$1500
$3500
$354.5
$208.34
$1500
=$12,562.84一個月
開工25日，每日要有最小$502.52收入才可達收支平衡 (新車計)
參考資料:
第一客貨車電召中心 www.Van100.com 熱線 31711111