Jan 02
如果你要從貨櫃碼頭運回家中，我地運輸呢行叫入倉提貨，一般客貨車街車台都會叫司機直接同你聯絡、報價，價錢要睇你果兩件傢俱幾大幾重，一般如果一個人搬倒既，入倉費用公價係$350，會同你搬埋，另外，倉一般都會收登記費，而貨櫃碼頭又會收登記費，呢類雜費無定，個個倉同碼頭都唔同，舉例三號貨櫃碼頭XX倉咁計，三號貨櫃碼頭天台登記費為$90，倉登記費為$160，咁全數你即係要比$600，但如果你果兩件傢俱較大，要兩個人至搬倒既，你可以同司機傾，你同司機一齊入倉搬，或叫司機搵多個人搬，如果你同司機一齊搬，都係公價$350，如果叫司機搵多個人搬，一般加多$200-$300。另外，提左出黎，如果你交貨既地點較遠，如元朗、港島咁，一般會加多幾十蚊路程。
你可能會問，點解要$350咁貴，因為入碼頭要排，有D衰倉可以由朝早9:00排到下晝4:00，為免司機同客人拗數，所以，無論個倉洗唔洗排都好，都係$350，但你當然可以試下要求按路程、搬運同等侯時間黎計，但即使唔洗排，亦平唔倒幾多，好簡單，黎同你拎提單、收貨返黎，一來一回路程都百幾，搬運又收返你$200，如果一個唔該排你兩三粒鐘，等侯費每個鐘公價$60，分分鐘重貴。
參考資料:
第一客貨車電召中心 www.Van100.com 熱線 31711111
