1) 如果死火死得多(棍波開車時)…會唔會好傷車 gar?
2) 唔知點解, 我架車個d汰油好似用得好快咁.. (十日前max, 十日後就min) why?
3) 如果n波比油(空油), 係唔係會比起行車時較用多油?
4) 當係斜路時,個hand break 拉到好高, 但仲有流後, 再拉大力d(又好似好盡, 咁傷唔傷呢)
5) 如(4) 駛唔駛去整下佢呢?
6) 如何知道電磁就快打柴呢?
7) 什麼轉數轉波會比較慳油?
問住咁多先.. 希望咁多位大佬可以申出援手…幫一下小弟啦..
thank you very much!!!
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>1) 唔多唔少實傷車架喇，等同你行行下既時候突然拉停你，你都辛苦或者會扭親啦！不過未至於嚴重既。而且死得火多，即係撻車都多左啦！撻車果下會扯多左電同油，咁亦係一種損耗。
2)咁一定係灟風油汰油啦！但好多地方都有機會會灟，風油汰油喉、風油汰泵，甚至嚴重D可能汰尺有問題導致灟風油汰油，照睇你架車情況已經好嚴重，快D搵相熟車房睇睇。
3)純單睇n波呼空油同行車時用油黎計耗油量就無得比，呼空油大腳D細腳D又唔同，行車時行快行慢上斜落斜有無載人又唔同，無準側之餘亦無意義，只可以話n波呼空油就一定另耗油量提高。
4)唔應該話傷唔傷，應該話危唔危險，由於hand break條威也拉得多有D鬆，所以會有咁既情況，你應該快搵相熟車房整一整。
5)一定要。
6)電磁就快打柴時，撻車時會好明顯好似有D氣咳咁先撻得著，有時亦會亳無先兆，即使你裝左電錶亦未必睇倒，經驗之談，真係話死就死。
7)亦都無話咩轉數轉波會比較慳油，唔同車種唔同，上落斜又唔同，一般平路吉車計，貨Van貨車2000-2500轉私家車2500-3000轉就較為理想。如載滿人或貨又上斜，轉數一定要谷得高D先轉，最緊要睇當時情況，唔能夠一味靠數字。
